BREAKING NEWS
Hargeysa (Aftahannews)- Isbahaysiga uu Sucuudigu hoggaamiyo ee ka dagaallama dalka Yemen ayaa qirtay in ay duqayn dhanka cirka ah ku laayeen tobonaan qof oo rayid ah oo saarnaa gaadhi bas ah bishii lasoo dhaafay uuna ahaa khalad militari oo aan bareer ahayn. Baadhitaan uu sameeyey isbahaysigu ayaa lagu ogaaday in khalad uu dhacay – wuxuuna sheegay in dadkii masuulka ka ahaa weerarka lala xisaabtamo. Dalka Yeman oo dhibaato ay ka taagan tahay Dadka dhintay ayaa caruur u badnaa, weerarka ayaa waxaa ka dhashay dhaliilo caalami ah oo kadhan ah duqaymaha uu Sucuudigu hormudka ka yahay ee kadhanka ah fallaagada Xuutiyiinta ee dalka Yemen. Guddiga xuquuqda aadanaha ee Qaramada Midoobay ayaa cambaareeyay xulafada uu horkacayo Sacuudiga ee weerarada cirka ka geysanaya Yemen. Warbixin uu soo saaray guddiga xuquuqda carruurta ayaa sheegay in weerarrada aan kala sooc laheyn ee ay xulafadu ku hayso goobaha dadka rayidka ah, ay ku dhinteen boqolaal carruur ah Waxa ay sidoo kale dhaleeceysay waxa ay ugu yeedhay tallaabooyin gaajo loogu dilayo shacabka. Warbixinta ayaa sheegaysa in ka badan saddex milyan oo carruur ah in ay wajahayaan nafaqa darro, iyadoo ay xaalad bani’aadanimo oo xun ay halkaa ka taagan tahay. Xulafada uu horkacayo Sacuudiga ayaa ku adkeysanaysa in duqeymaha cirka ay qaadayso aanay badhtilmaameedsaneyn dadka rayidka ah.
Search

Cirro iyo Faysal oo ka sheekeeyay Waayihii Jacayl ee noloshooda soo maray

Hargeysa(Berberanews):- Musharrixiinta Madaxweynennimo ee Xisbiyadda UCID iyo Waddani Faysal Cali Waraabe iyo Cabdiraxmaan Maxamed Cabdillaahi (Cirro), ayaa ka Sheekeeyey Waayihii Jacayl ee noloshooda soo maray ama wakhtigii dhalinyarannimada iyo sidii uu Mid waliba Xaaskiisa ku helay ama isu guursadeen iyo Heerka Haasaawihii ka dhexeeyey mid kasta Xaaskiisa Guursigooda ka hor.

Musharrixiinta Xisbiyadda Waddani iyo UCID, waxay arrimahaas iyo kuwo kale oo la xidhiidha-ba, kaga warrameen Waraysi Qosol iyo Qurux-ba koobsaday oo uu la yeeshay Telefeshinka Universal oo Weriyeyaashiisu Hargeysa kula kulmeen, Waraysi xiiso lehna si gooni-gooni ah ugaga qaadeen labada Musharrax ee Faysal iyo Cirro.

Waraysiyada arrimaha Jacaylka iyo noloshoodii hore ku saabsan ee lala yeeshay Musharrixiinta Madaxtinnimada UCID iyo Waddani Faysal Cali Waraabe iyo Cabdiraxmaan-Cirro, waxaannu idiinku soo gudbinaynaa Muuqaalladan hoose ee Daawasho wacan oo wanaagsan:-

Share Button
Please follow and like us:
0