BREAKING NEWS
Hargeysa (Aftahannews)- Isbahaysiga uu Sucuudigu hoggaamiyo ee ka dagaallama dalka Yemen ayaa qirtay in ay duqayn dhanka cirka ah ku laayeen tobonaan qof oo rayid ah oo saarnaa gaadhi bas ah bishii lasoo dhaafay uuna ahaa khalad militari oo aan bareer ahayn. Baadhitaan uu sameeyey isbahaysigu ayaa lagu ogaaday in khalad uu dhacay – wuxuuna sheegay in dadkii masuulka ka ahaa weerarka lala xisaabtamo. Dalka Yeman oo dhibaato ay ka taagan tahay Dadka dhintay ayaa caruur u badnaa, weerarka ayaa waxaa ka dhashay dhaliilo caalami ah oo kadhan ah duqaymaha uu Sucuudigu hormudka ka yahay ee kadhanka ah fallaagada Xuutiyiinta ee dalka Yemen. Guddiga xuquuqda aadanaha ee Qaramada Midoobay ayaa cambaareeyay xulafada uu horkacayo Sacuudiga ee weerarada cirka ka geysanaya Yemen. Warbixin uu soo saaray guddiga xuquuqda carruurta ayaa sheegay in weerarrada aan kala sooc laheyn ee ay xulafadu ku hayso goobaha dadka rayidka ah, ay ku dhinteen boqolaal carruur ah Waxa ay sidoo kale dhaleeceysay waxa ay ugu yeedhay tallaabooyin gaajo loogu dilayo shacabka. Warbixinta ayaa sheegaysa in ka badan saddex milyan oo carruur ah in ay wajahayaan nafaqa darro, iyadoo ay xaalad bani’aadanimo oo xun ay halkaa ka taagan tahay. Xulafada uu horkacayo Sacuudiga ayaa ku adkeysanaysa in duqeymaha cirka ay qaadayso aanay badhtilmaameedsaneyn dadka rayidka ah.
Search

Dallada SONYO Oo Soo Gabagabaysay Shirweynaha Dhallinyarada Somaliland + SAWIRRO

Hargeysa , (Berberanews) —Shirweynaha Dhallinyarada Somaliland muddo laba cisho ka socday Hotelka Ambasaddor ee Magaaladda Hargeysa ayaa galabta la soo gabagabeeyay. Hal-ku-dhiggiisu waa “Mudnaanta sii horumarinta dhallinyarada.” Waxa lagu falanqaynayaa arrimo door ah oo dhallinyarada muhiim u ah, Dhallinyarada Somaliland.

Kulankan oo qayb ka ahaa xuskan maalinta dhallinyarada Somaliland ayaa waxa soo qaban qabiyay Dallada heer qaran ee SONYO  waxana ka soo qayb galay Aqoon yahanka iyo Ardayda kala duwan u qabteen tababar, kulankasi oo lagu darsayay sidii looga gudbi lahaa caqabaddaha iyo duruufaha kala duwan ee ku xeeran guud ahaanba dhallinyarada Somaliland, iyada oo sidoo kalena lagu soo bandhigay siyaasadda heer qaran ee dhallinyarada Somaliland.

Dhanka kale Madaxweynaha Jamhuuriyadda Somaliland Md. Muuse Biixi Cabdi ayaa ka qeyb-galay Munaasibadda 36-guurada ka soo wareegtay maalinta Dhallinyarada Somaliland oo lagu qabtay Hotel Ambassador, waxaana sidoo kale iyaguna weheliyay Wasiiradda Ciyaaraha, Waxbarashadda, Arrimaha Bulshadda, waxaana Madaxweynuhu ka jeediyey khudbad qiimo baddan oo dhinacyo baddan taabanaysa, taas oo uu si waayo-arragnimo leh ugu hogo-tusaaleeyay muhiimadda ay xukuumaddu siisay da’yarta dalka iyo qorsheyaasha uu hoggaamiye qaran ahaan u hindisay horumarintooda. Gu ddoomiyaha Daladda SONYO Mr. Cabdicasiis Siciid Saalax iyo Wasiirka Dhallinyarada iyo Ciyaaraha Md. Yuusuf Mire Maxamed (Boos) oo ka hadlay munaasibaddan ayaa ka hadlay qiimaha ay Dhalinyaradu leeyihiin iyo qiimaha ay maalintani ugu fadhido, waxaanay xuseen doorka muuqata ee taladda dalka qeyb muhiim ah uga yihiin dhallinyarada Somaliland.

HALKAN HOOSE KA DAAWO MUUQAALKA

Share Button
Please follow and like us:
0