BREAKING NEWS
Hargeysa (Aftahannews)- Isbahaysiga uu Sucuudigu hoggaamiyo ee ka dagaallama dalka Yemen ayaa qirtay in ay duqayn dhanka cirka ah ku laayeen tobonaan qof oo rayid ah oo saarnaa gaadhi bas ah bishii lasoo dhaafay uuna ahaa khalad militari oo aan bareer ahayn. Baadhitaan uu sameeyey isbahaysigu ayaa lagu ogaaday in khalad uu dhacay – wuxuuna sheegay in dadkii masuulka ka ahaa weerarka lala xisaabtamo. Dalka Yeman oo dhibaato ay ka taagan tahay Dadka dhintay ayaa caruur u badnaa, weerarka ayaa waxaa ka dhashay dhaliilo caalami ah oo kadhan ah duqaymaha uu Sucuudigu hormudka ka yahay ee kadhanka ah fallaagada Xuutiyiinta ee dalka Yemen. Guddiga xuquuqda aadanaha ee Qaramada Midoobay ayaa cambaareeyay xulafada uu horkacayo Sacuudiga ee weerarada cirka ka geysanaya Yemen. Warbixin uu soo saaray guddiga xuquuqda carruurta ayaa sheegay in weerarrada aan kala sooc laheyn ee ay xulafadu ku hayso goobaha dadka rayidka ah, ay ku dhinteen boqolaal carruur ah Waxa ay sidoo kale dhaleeceysay waxa ay ugu yeedhay tallaabooyin gaajo loogu dilayo shacabka. Warbixinta ayaa sheegaysa in ka badan saddex milyan oo carruur ah in ay wajahayaan nafaqa darro, iyadoo ay xaalad bani’aadanimo oo xun ay halkaa ka taagan tahay. Xulafada uu horkacayo Sacuudiga ayaa ku adkeysanaysa in duqeymaha cirka ay qaadayso aanay badhtilmaameedsaneyn dadka rayidka ah.
Search

Diyaarad Turkiga laga leeyahay oo ku burburtay buuralleyda Iiraan

1 qof oo saarnaa diyaarad laga leeyahay dalka Turkiga ayaa dhintay kaddib markii diyaaraddii ay saarnaayeen ay ku burburtay galbeedka dalka Iiraan, sida ay ku warrantay warbaahinta dalkaasi.

Diyaaraddan khaaska ahayd ayaa ku burburtay meel u dhow magaalada Shahr-e Kord oo ku taal gobolka galbeedka Iiraan ku yaalla ee Chahrmahal-Bakhtiyari.

Afhayeen u hadlay shaqaalaha gargaarka degdegga ah ayaa warbaahinta u sheegay in diyaaraddu ay ku dhacday deegaan buuralley ah kaddibna uu dab qabsaday.

Waxaa lagu soo warramayaa inay ka timid dalka Isutagga Imaaraadka Carabta kuna sii jeedday magaalada Istanbul markii uu shilku dhacay.

“Waxaan xaqiijin karnaa in diyaaradda Turkish private jet, markii ay maraysay hawadeenna, laga waayay raadaarka oo ay ku burburtay meel u dhow Shahr-e Kord,” waxaa sidaas yiri afhayeenka ururka duullimaadyada madaniga ah ee Iiraan, isagoo la hadlayay telefishinka dalkaas.

Reza Jafarzadeh, oo ah madaxa ururkaas ayaa sheegay in diyaaraddu ay sidday siddeed rakaab ah iyo saddex ka mid ah shaqaalaha diyaarradda.

Diyaarradda waxaa lahaa ganacsade u dhashay dalka Turkiga oo lagu magacaabo Hussein Basaran.

Gabdhiisa iyo toddoba ka mid ah saaxiibbadeed ayaa saarnaa waxayna ka soo laabteen xaflad ka dhacaysay Dubai markii ay burburtay, sida ay sheegtay warbaahinta Turkigu.

Madaxa Bisha Cas ee Turkiga ayaa sheegay in aysan jirin cid ka badbaadday shilkaasi.

Bishii la soo dhaafay, diyaarad sidday 66 qof ayaa ku dhacday buuraha Zagros ee dalka Iiraan kuwaas oo sidoo kale ku yaal galbeedka dalkaasi.

Xigasho BBC

Share Button
Please follow and like us:
0