Hargeysa-(Berberanews)- Akhristayaal waxaannu halkan idiinku soo gudbinaynaa Sawirrada Munaasibadda 18-ka may ee Fagaaraha Beerta Xorriyadda ee magaalada Hargeysa.

Markaa, halkan ka daawada sawirrada qurxoon ee xuska 21-guurada ka soo wareegtay maalintii lagu dhawaaqay gooni-isu-taagga Jamhuuriyadda Somaliland.

Inkastoo ay yihiin dad isku dhow, islamarkaana Lampard uu ka soo hoos ciyaaray Redknapp markii uu joogay West Ham United, haatan waxa uu tababare u yahay kooxda Tottenham kuwasoo ku dhameystay Premier League kaalinta 4aad islamarkaana ku sii jeeda Champions League xilli ciyaareedka soo socda.

Si kastaba, hadii Chelsea ay berrito ku guuleysato Champions League iyada ayaa kala baxeysa booska afaraad ee Champions League ee England kooxda Tottenham kuwasoo ka qeybgeli doono markaas Europa League.

Redknapp ayaa sheegay wiigan inuu rajeynayo in laga badiyo Chelsea, waxaana Lampard uu ku kaftamay inuu ka filaynayn adeerkii inuu wax kale yidhaahdo.

“Waa ogahay inuu sidaas yidhi. Lakiin hadii uu wax kale sheegi lahaa, laba goorba mayna aaminayn” ayuu ciyaaryahanka khadka dhexe ee England u sheegay wariyayaasha.

“Waa wax la fahmi karo waxa uu yidhi marka la eego xaalada uu ku jiro iyo kooxdiisaba”

Inkastoo laga yaabo inuu niyad jab ku rido adeerkii, Lampard ayaa diirada waxa ay u saaran tahay inuu badiyo finalka Allianz Arena, islamarkaana u dabaaldego habeenkii ugu weynaa ee soo mara taariikhda 107 sanno ah ee Chelsea.

“Chelsea waxa ay u noqon doontaa wixi ugu weyn ee ay taariikhda ku guuleysato. Waxaa inaga maqan ciyaaryahano soo bandhigay qaab ciyaareed aad u fiican xilli ciyaareedkan. Waxaan qabaa in talaabo kasta ay aheyd wax weyn oo inoo soo hoyday, kulamadii Barcelona, iyo sidii aan ku soo marnay Napoli. Waxa ay noqon doontaa wixii ugu fiicnaa ee ay Chelsea ku guuleysato hadii aan badino”.

Mustafe Maxamud Diiriye

kastam@berberanews.com

Berberanews Sports

29 jirkaan ayaa City jooga ilaa labo xilli ciyaareed ka dib qandaraas shan sanno ah oo u saxeexay 2010kii, isagoo 24 milyan ginni kaga soo wareegay kooxda reer Catalan.

Lakiin, inkastoo uu ciyaaryahanka reer Ivory Coast uu sheegay inuu ku faraxsan yahay Manchester City, hadana waxa uu qirtay inuu weli jaceyl u hayo kooxdiisii hore.

Isagoo u hadlayay idaacada Isbaanishka ee Ona FM, Toure ayaa yidhi: “Barca waa kooxda iigu muhimsan, farxad ayaan ku dareemayaa City lakiin wax walba ayaa isbedeli kara sannadaha soo socda ….. ama maalmaha soo socda”

“Waxaan mar walba ahaa taageero Barca. Inta aan England joogay waxaan daawanayay ciyaarahooda, waxaana dareemayaa sidii inaan ahay Catalan”

Xiddiga reer Ivory Coast oo dhaliyay 21 gool 92 kulan oo uu u saftay Sky Blue ayaa sidoo kale iska fogeeyay wararka xanta ah ee la xidhiidhinaya Real Madrid.

“Taageerayaasha Barcelona waa ay iga cadhoon doonaan hadii ay igu arkaan Madrid, waana wax aan fahamsanahay, lakiin haatan waa inaan nastaa oo aan arkaa mustaqbalka hortayda yaala”

“Dadka wax badan ayay ka hadlayeen aniga iyo Madrid, lakiin aniga ahaan waxa iigu muhimsan waa inaan badiyaa oo aan faraxsanaadaa”.

Mustafe Maxamud Diiriye

kastam@berberanews.com

Berberanews Sports

Maamulka Gobolka Saaxil, kuwa degmada Berbera, Wasiirro ka tirsan xukuummadda iyo xildhibaannada Golaha wakiilada Somaliland ee ka soo baxay Gobolka Saaxil, ayaa saaka kumannaan reer Berbera ah kala qaybgalay dabaaldega xuska 18-ka May oo socod gucle ah ka ku maray wadada halbowlaha ah ee magaalada Berbera.

Shaqaalaha hay’adaha dawliga ah ee Magaalada Berbera, shirkadaha gaarka loo leeyahay iyo ururada bulshada Berbera oo dhammaantood ku lebisan dhar laga sammeeyay calanka Somaliland iyo hal-ku-dhigayada qiimaha xoriyadda iyo horumarka Somaliland gaadhay, ayaa qurxiyay dabaaldegga xuska 18 May ee laga xusay dalka oo dhan.

Wasiirka Qorshaynta Qaranka Somaliland Dr. Sacad Cali Shirre oo dadweynaha reer Berbera kala hadlay fagaaraha 26-ka June, ayaa ha hadlay halgankii dheeraa ee loo soo maray xoriyadda madaxbannaanida Somaliland.“Munaaisbadda aynu isugu nimi ee quxuxda badan si hawlyar kumay ima, halgan dheer bay ku timi, dadkii halgankaa soo galay in badan maanta halkan inalama joogto, Ilaahay waxaan uga baryayaa inuu naxariistii jannoo ka waraabiyo dadka aynu midhahoodii hadhsanayno.”

“Halkii aynu doonaynay weli mayni gaahdin, geedisocod baynu ku jirnaa, dhul badana wuu inoo hadhay., maanta kama haqab li’in waxbarasho,  caafimaad,  biyo koronto, shiidaal, beero, wax badan baa innoo hadhay laakiin waxaynu ku gaadhi karnmaa isku duubni iyo dedaal. Halkan isugumaynu iman oo keliya xoriyadda, ee waa inaynu xusno horumarka aynu gaadhnay.”

Badhasaabka Gobolka Saaxil Maxamuud Cali Saleebaan (Ramaax), ayaa sheegay inuu khudbaddiisa u dhigan doono habeenka caawa oo munaasibad labaad oo xuska 18-ka May ah lagu qaban doono Berbera, “Waa maalintii xoriyadda, waa maalintii dalka iyo dadka, khubadayda waxan u dhiganayaa xafladda aynu caawa qaban doono.”

Guddoomiye-ku-xigeenka Gobolka Saaxil, ahna Guddoomiyaha Guddigii qabanqaabadda Xuska 18-ka May, ayaa tilmaamay qiimaha maalintani ugu fadhido Somaliland, isagoo u mahadceliyay masuulliyiinta, shirkadaha iyo ganacsatada kaqaybgashay qabashada xuska. Sidoo kale waxa uu ka hadlay ahmiyadda nabadgelyada suurtagelisay qabashada xuska, “Nabadgelyuo hadaynaan haysan walaalayaal sidan isugumaynu soo baxneen.”

Wasiirka Dhallinyarada iyo Ciyaaraha Cali Siciid Raygal, ayaa sheegay in Gobolka Saaxil meel kaga suntanyahay Dib-ula soo noqoshadii xoriyadda, “Gobolka Saaxil waa meelaha ku suntan halgankii SNM, Saaxil waa meelihii aafooyinka ugu badani ku dhacay intii halkanka lagu jiray, BERBEEA waxay ka mid ahayd meelihiii daamurka madaxa loo geliyay dadka, waa Ilaahay mahaddii inagoo maanta nabadgelyo iyo xornimmo ku nool aynu u dabaaldegno munaasibaddan qiimaha badan.”

Wasiir-ku-xigeenka dhallinyarada iyo Ciyaaraha Cali Cilmi Geelle, ayaa sheegay in Gobolka Saaxil taariikh ku leeyahay xoriyadda madaxbannaanida Somaliland “Waxa farxad ii ah Somaliland oo 21 jir satay dareenka iyo farxadda reer Berbera muujisay.Meeshii lagu yagleelay shirkii beelaha Somaliland o dhami isugu yimaadeen waxay ahayd Berbera ka hor Burco intaan la tegin, taasina waxay muujinaysaa qiimaha Gobolkani leeyahay, sidoo kale shirkii Borame intaan la tegin waxa laysugu yinmi Sheekh oo lagu iclaamiyay.”

Maayarka Berbera Cabdalle Maxamed Carab, badhasaabka, ayaa Ilaahay uga baryay shacabka Somaliland inuu sanadkan sanadka xiga ee 18-ka may ku gaadhaan ictiraaf ay caalamka ka hesho, “21 sano ayaynu u dabaaldegaynaa madaxbannaaida, wax badan waynu ka soo gudubnay wax badana way dhimanyihiin, waxaan Ilaahay ka baryayaa inagoo hore u soconay oo sanadka sanadkisa aqoonsi gaadhnay in Ilaahay inagu simmo, waxaan ammaanaya dadka reer Saaxil oo nabadgelyada jecel.”ayuu yidhi Maayarka Berbera.

Maxamed Xasan Baashe (Talaata-codle), ayaa sheegay nabadgelyada Somaliland uu aas-aas u yahay wadahadal, isu-dulqaadasho, iyo tanaasul ay shacabku isu muujiyeen, islamarkaana dad badani u dhinteen xoriyadda madaxbannaanida, isagoo arrintaa ka hadlayana waxa uu yidhi, “21 sannadood baa laga joogaa markii Burco lagaga dhawaaqay madaxbannaanida Somaliland, rab badan baa u dhintay xoriyadda, rab badana maskax ahaan uma fayooba maanta Ilaahay caafimaad ka siiyaan leeyahay.”

Maamulka Gobolka Saaxil, wasiiradda xukuumadda dhexe iyo xildhibaannadu waxay booqasho ku tageen Xarunta Kalluumaysatada Berbera oo uu ka socday dabaaldega badda ee xuska 18ka may oo ay ka qaybgaleen laashashka kalluumaysatada magaalada oo dhoolatus qurux badan kaga qaybgalay.

Xildhibaannada Golaha Wakiillada ee Hargeysa uga soo baqoolay xuskan waxa ka mid ah qaybgalay Xildhibaan Siciid Cilmi Rooble, Xildhibaan Maxamed Faarax Qabile, Xildhibaan Maxamed Xaaji Xuseen iyo Xildhibaan Siciid Cartan..

Berberanews.com

info@berberanews.com

David Luiz oo ku riyaaqaya khibrada uu u yeelan doono finalka Champions League ayaa bogiisa Twitter kula socodsiinayay taageerayaashiisa hadba halka uu safarkiisa marayo, iyadoo uu soo geliyay sawir uu dhoolacadeynayo oo ay isla joogaan Didier Drogba iyo Ramires oo ka ganaaxan kulanka sabtida ka hor inta aanay u duulin Munich.

Chelsea ayaa ka hor duhurnimadii cagadhigatay Munich, waxaana ay kooxdu degtay Hotel ku yaala bartamaha magaalada Munich, iyadoo la filayo in maanta gelinka danbe inay tababar sameyn doonaan.

Mustafe Maxamud Diiriye

kastam@berberanews.com

Berberanews Sports

Hargeysa-(Berberanews)- Madaxweynaha Jamhuuriyadda Somaliland oo ay weheliyaan Masuuliyiinta saddexda gole Qaran, Madaxda Xisbiyada iyo Ururrada siyaasadda, ayaa maanta kumannaan dadweynaha ah kala qaybgalay xuska 21-guurada ka soo wareegtay gooni-isu-taagga Somaliland, kaasoo maanta lagu qabtay fagaaraha Beerta xorriyadda ee magaalada Hargeysa oo ammaankeeda aad loo adkeeyey.

Madaxweynaha Somaliland Axmed Maxamed Maxamuud (Siilaanyo), ayaa khudbad u jeediyey kumannaan qof oo uu Beerta xorriyadda ee magaalada Hargeysa isugu soo baxay oo uu kaga qaybgalay munaasibad loo sameeyey 21-guurada ka soo wareegtay markii Somaliland ku dhawaaqday inay ka go’day Soomaaliya 18-kii May 1991-kii.

Waxa Madaxeynaha ka hor Xafladdaa ka hadlay Duqa Caasimadda Hargeysa, Masuuliyiinta Xisbiyada Somaliland, Guddoomiye ku-xigeenka golaha Wakiillada, Wasiirka arrimaha gudaha iyo xubno kale.

Guddoomiye ku-xigeenka labaad ee golaha wakiillada Somaliland, Cali Yuusuf Axmed, ayaa isaguna halkaa ka hadlay, isla markaana ka sheekeeyey sidii ay ku timi in Somaliland lagu dhawaaqo 18-kii May 1991-kii oo lagaga dhawaaqay magaalada Burco ee xarunta gobolka Togdheer, waxaanu guud ahaanba hambalyo u diray dadweynaha reer Somaliland.

Wasiirka arrimaha gudaha Somaliland Maxamed Nuur Carraale (Duur), oo Madaxweynaha codbaahiyaha ku soo dhaweeyey ayaa yidhi; “Waxaan halkan uga mahad-naqayaa shacabka reer Somaliland guud ahaan meel ay joogaan, waxaan leeyahay hambalyo, maanta waa maalin innagu qaali ah. Maanta Somaliland oo dhan gobo kasta, degmo kasta iyo tuulo kasta waxa laga xusayaa 21-guurada ka soo wareegtay markii aynu dhidibbada u taagnay Somaliland. Halkaa waxaynu ku soo gaadhnay nabad.

Markaa ka dib Madaxweynaha Somaliland oo cod-baahiyaha la wareegay ayaa bilaabay khudbad uu ugu talo-galay Xuska maalina 18 May oo ku began maanta 21 guurada ka soo wareegtay markii Somaliland lagaga dhawaaqay magaalada Burco ee xarunta gobolka Togdheer. Waxaanu Madaxweynuhu khudbaddiisa kaga hadlay arrimo kala duwan oo ay ka mid yihiin gooni-isu-taagga Somaliland, Salaaddiinta iyo Siyaasiyiinta ka qaybgala shirarka Soomaaliya iyo qodobbo kale.

“Munaasibadda 18 May waxaan hambalyo u dirayaa golayaasha, shacabka Ciidamada qalabka sida, qurbo-joogga, ururrada bulshada iyo caalamka intiisa kale. 18-ka May waa maalintaynu xaqiijinnay Somaliland, waa maalintaynu innaga oo gacmaha is haysanna go’aansannay in Qaranka Somaliland dhidibbada loo taago. Somaliland halgan badan baa loo soo maray, dhiig badan baa u daatay.” Ayuu yidhi Madaxweyne Siilaanyo.

Waxa uu bulshada u soo jeediyey inaanay u damqan waahayaha iyo duruufaha adag ee jira, isaga oo xusay in somaliland dad badani u soo dhintay, qaar badani u soo dhaawacmeen oo ay maanta naafo u yihiin.

“Beesha caalamka waxaannu u soo jeedinaynaa Somaliland waa dawlad jirta, Somaliland waxay u muuqataa sida cadceeddaa, Somaliland waxay ku timi rabitaanka iyo shacabkeeda. Somaliland waxay jirtay 21 sano, Somaliland waxa soomaray afar xukuumadood, waxay buuxisay shuruudo badan oo caalamku ku xidhay, waxay qabatay doorashooyink.” Sidaa ayuu yidhi Madaxweynaha Somaliland Axmed Maxamed Siilaanyo.

Madaxweynaha Somaliland Axmed Siilaanyo, waxa uu sheegay inay Somaliland caalamka uga fadhido aqoonsi buuxa, waxaanu yidhi; “Waa hubaal inay Somaliland buuxisay shuruudo badan oo beesha caalamku ku xidhay, waxa hubaal ah inay indhohooda ku arkeen, waxa naga go’an inaannu himilayada gaadhno, Somaliland waxay beesha caalamka uga fadhidaa aqoonsi buuxa oo ay u qalanto. Intay doonto ha nagu qaadato ee waa mid aannu idinka sugayno aqoonsigu, madax-bannaanada Somaliland-na mid laga noqanayo maaha intay doonto ha nagu gaadho ‘e”

Sidoo kale, Siilaanyo waxa uu khudbaddiisan ku sheegay inaanay Somaliland waxba u noqonayn Suldaan iyo Siyaasi ka qaybgala shir madax-bannaanideeda lid ku ah, isaga oo xusay in ay dembiilayaan ka yihiin somliland kuwa ka qaybgalay shirka Muqdisho ee reer Somaliland, Madaxweyne Siilaanyo oo arrintaa ka hadlayaana waxa uu yidhi; “Himilada iyo madax-bannaanida Somaliland waxba kama beddali karo qof meel tagay hadduu yahay Siyaasi, Suldaan, Caaqil iyo qof kasta oo mansab haya. Qof kasta oo ka qaybgala shir madax-bannaanida Somaliland ka soo horjeedaa waa dembiile.”

Siilaanyo oo ka hadlaya wadahadalka Somaliland iyo Soomaaliya waxa uu yidhi;  “Waad ogeydeen oo shirkii lagu qabtay London ee Somaliland ka qaybgashay waxa laga soo saaray qodob ah Somaliland iyo Soomaaliya mustaqbalkooda haka wadahadlaan, innagu Somaliland dhineceennii wixii innagu xidhnaa waynu dhammaynay, Walaaleheen Soomaaliyana waxaan leeyahay dhibaataynta iyo carqaladda ka daaya wadahadalka.”

“Siyaasiyiinta Walaaleheen Soomaaliya waxaannu u soo jeedinaynaa inay shacabkooda wax u taraan oo hadimada iyo dhibaatada ka daayaan. Waxaannu leenahay wallaallayaan caqligu ha idin shaqeeyo oo shacabkiinna ka daaya hagar-daamada iyo dhibaatada oo isku tashada..” ayuu yidhi Madaxweyne Axmed Maxmaed Maxamuud (Siilaanyo).

Madaxweyne Siilaanyo waxa uu ka hadlay diyaar-garawga doorashada dawladaha hoose iyo ururrada iyo xisbiyada badan, waxaanu yidhi; “Maanta waxaynu ku guda jirnaa doorashada golayaasha deegaanka, Xisbiyada iyo Ururrada waxaan u soo jeedinayaa inay xil iska saaraan adkaynta nabadgelyada iyo dhawrisista iyo ku dhaqanka shuruucda Somaliland.”

Madaxweynaha Somaliland waxa uu ka hadlay ururradii ku hadhay wareeggii labaad ee shuruudaha lagu kala reebay ururrada siyaasadda Somaliland, iyada oo ay natiijadii guddiga diiwaangelinta qaaddaceen sagaal urur oo guddigu sheegtay inay hadheen. Waxaanu Madaxweynuhu u soo jeediyey inay samraan oo ay tanaasul sameeyaan, haddii ay qanci waayaanna dhinaca garsoorka u baydhaan. “Samirku nacasnimo maaha, haddii aad ku qanci waydaa waxay xaq u leedahay inay Maxkamadaha geysato dacwad oo ay nidaamka shuruucda u maraan.” Ayuu yidhi Madaxweynaha Somaliland.

Waxaan tacsiyadaynayaa dadkii ku dhintay shaqaaqadii ka dhacday xerada Ciidanka Millateriga ee Hargeysa, waxaan aad iyo aad uga xumahay Ciidammada halkaa ku geeriyooday iyo cid kasta oo halkaa ku geeriyootay…”

 Madaxweynaha Somaliland, waxa uu guud ahaan bulshada Somaliland dibed iyo gudo meel kasta oo ay joogaan kula dardaarmay inay midnimada, wada-jirka iyo adkaynta nabadgelyada Qaranka Somaliland adkeeyaan, isla markaana dhinac uga soo wadajeedaan.

Magaalooyinka waaweyn ee Somaliland ayaa munaasibado tan oo kale ah lagu qabtay, iyaga oo Masuuliyiinta heer gobol, degmo iyo Masuuliyiin ka kala socda golaha Wasiirrada, Golayaasha Guurtida, Wakiillada iyo Madax-dhaqanku dadweynaha kala hadleen fagaarayaasha magaalooyinka Somaliland oo dhan.

Berberanews.com

Hargeysa/Somaliland.

Hargeysa-(Berberanews)- Magaalooyinka waaweyn ee dalka Jamhuuriyaddda Somaliland, ayaa maanta looga dabbaal-degayaa xuska 21-guurada ka soo wareegtay markii magaalada Burco ee xarunta gobolka Togdheer lagaga dhawaaqay inay Somaliland gooni uga goday dalkii la isku odhan jiray Soomaaliya 18 May 1991-kii, taasoo sannad kasta Somaliland laga xuso.

Diyaar-garawga xuska 18 May oo maalmihii u dambeeyey dalka iyo dibeddiisaba si weyn uga socday, ayaa maanta soo gaadhay in si nabadgelyo ah dadweynuhu isugu soo baxaan.

Kumannaan qof oo ku dhaqan magaalada Hargeysa ayaa buux-dhaafiyey fagaaraha Beerta Xorriyadda ee magaalada Hargeysa oo uu goor-dhaw ka qudbadayn doono Madaxeynaha Somaliland Md. Axmed Maxamed Maxamuud (Siilaanyo).

Dadka ayaa qaarkood ku labbisan yihiin calanka Somaliland ee saddexda midab ee caddaanka cagaarka iyo casaanka kooban, halka qaarkood koofiyado ka samaysteen rag iy dumar, qaar kor u lulayaan, halka kuwo kalena wejiyadooda ku soo xardheen.

Magaalooyinka waawayn ee Berbera, Burco, Boorama Ceerigaabo iyo Laas-caanood, ayaa sidan oo kale looga xusayaa 18-ka May.

Guud ahaanba ammaanka dalka Somaliland ayaa ciidammada Booliska iyo Millaterigu si weyn u adkeeyeen, fagaaraha Beerta Xorriyadda ee Hargeysa ayey ku sugan yihiin ciidammada ugu badani Hargeysa maaddaama oo ay Madaxda dawladda oo Madaxweynuhu ugu horreeyaa ka qaybgalayaan. Inkasta oo ay goob kasta oo magaalada ka mid ah Ciidammada ammaanku ku sugan yihiin.

Xuska 18-ka May sida uu magaalo kasta uga dhaco iyo hadallada ay masuuliyiinta dalwladdu ka jeediyaan kala soco Berberanews.

Berberananews.com

Hargeysa/Somaliland.

The ruling follows deadly clashes in eastern Hargeisa on Tuesday that left more than seven dead including a pregnant mother and scores of others hurt.

The clashes erupted when government forces including the newly-formed and British-sponsored tactical force known as Resistant Reaction Unit (RRU) were deployed in a disputed plot of land on early hours. Residents in the area confronted the force with weapons and the two exchanged fire escalating to an all out war. The land dispute centers a former factory that was abandoned after the fall of Somalia’s last central government in 1991.

This was the single bloodiest day in Hargeisa since the 2008 coordinated car-bombings that left more than twenty people dead.

Locals fear if the military carries out the execution it could bring back the dark days of dictator Mohamed Siad Bare’s rule. They pointed out that if the martial court goes ahead it could lead to reprisals that could eventually destabilize the whole volatile region. Others fear the resurgence of inter-clan rivalries and conflicts.

The police, tactical forces and the military took part in the operation which saw them take at least 28 people mainly teenagers into custody.

Five other men were sentenced to life in prison in the first verdicts related to the land dispute uprising. The men were tried behind closed doors on charges of premeditated murder of government forces and employees. Only three have been released while three others who sustained injuries got their trials delayed. All convicted people are said to be aged between 19 and 20 years.

No one in Somaliland recalls the last time capital punishment was carried out in the Horn of African nation.

Tensions are soaring in the city and atmosphere is intense following the announcement of the sentences. Transport has all together halted in eastern parts of the capital with reports the government has requested an additional 300 troops from Dararweyne base near Berbera.

Eyewitnesses said roads in the hotspot area were blocked with burning tyres and rocks.

During the deadly skirmishes two independent journalists from Yool newspaper have been arrested and continue to remain behind bars without charges. Mohamed Abdi Urad and Khadar Hayan Hassan were nabbed by police on Tuesday while photographing the Interior Minister and Minister of presidency during their visit to the disputed plant factory.

Somalilandpress

Hargeysa-(Berberanews)- Ururka Suxufiyiinta Somaliland  ee SOLJA , ayaa Wasiirka arrimaha gudaha Somaliland Maxamed Nuur Carraale (Duur) ku eedeeyey inuu si sharci-darro ah  ugu haysto laba Weriye oo maalintii saddexaad Saldhigga dhexe ee Booliska magaalada Hargeysa. Isla markaana, wax tixgelin ah siiin waayey hoggaanka Ururka SOLJA oo xal iyo wadahadal doonayey inay arrintaa ka galaan.

Guddoomiyaha Ururka  Suxufiyiinta Somaliland ee SOLJA  Xasan Maxamed Yuusuf, ayaa shir jaraa’id oo uu maanta ku qabtay Caasimadda Hargeysa kaga hadlay arrintaas, isla markaana waxa uu sheegay in Wasiirka arrimaha gudaha Somaliland Maxamed Nuur Carraale ( Duur) uu si sharciga baalmarsan u xidhay, kuna haysto labada Suxufi oo kala ah Tifaftiraha Wargeyska Madaxa-bannaan ee YOOL  Maxamed Cabdi Curad iyo Khadar Hayaan oo ah Weriye ka hawlagala isla Wargeyskaas.

Guddoomiyaha SOLJA Xasan Maxamed Yuusuf oo arrimahaa ka hadlayaa waxa uu yidhi; “Anigu  Wasiirka mar dambe arrintaas kala hadli mayno, ha  haysto labada Weriye,   laba Telefoon ayaannu ka garaacnay nagamuu qaban, Xafiiskaannu ugu tagnay , waxaad mooddaa in Wasiirka arrimaha guduhu  si gaar Saxaafadda ugu buuxo waxa ay ahayd in uu na dhageysto ama laba daqiiqo   nala hadlo.”

Kuwaas oo maalintii Salaasada Ciidanka ammaanka Somaliland Xabsiga u taxaabeen, ka dib markii ay isku dayeen inay Sawir ka qaadaan Masuuliyiin dawladda ka tirsan oo markaa joogay goob iska hor-imaad hubaysani ku dhexmaray Ciidammada Qaranka Xerada Madaafiicda goobta ee magaalada Hargeysa, halkaas oo ay weerar ku qaadeen Shacab hubaysan oo sheeganayey in dhulka Xerada ay hore u lahaayeen oo dawladdu ka qaadday, isla markaana la jid-bixin waayey.

Si kastaba ha ahaatee, iyada oo tan iyo Xukuumadda Siilaanyo markii ay talada qabatay tacaddiyada Suxufiyiinta madaxa-bannaan lagula kacaa sii badanayeen, ayey haddana faraha ka sii baxeen dhibaatooyinka Weriyeyaasha loo geysto ee isugu jira jid-dilka, garaacista, xadhigga, cabbudhinta iyo caga-juglaynta toddobadii bilood ee u dambaysay oo uu Wasiirka arrimaha gudaha ahaa Maxamed Nuur Carraale (Duur) oo isagu u muuqda nin si qaawan uga soo horjeeda madax-bannaanida saxaafadda iyo dhawrista xorriyadda ay Weriyeyaashu leeyihiin, isaga oo Duur noqday Wasiirkii ugu horreeyey ee Somaliland soo mara intii ay jirtay ee bixiya amar ah in hal mar 22 Weriye oo ka hawl-gala qaybaha warbaahinta Somaliland Xabsiga loo taxaabo.

Berberanews.com#

Hargeysa/Somaliland.

http://samotalis.blogspot.com/