Idaacado Dawladda TFG ka hirgelinayso gobollo ka tirsan Somaliland iyo Khatarta ay ugu jiraan inay u gacan galaan kooxaha argagixisada ah
Badhan-(Berberanews)-Dawladda taagta daran ee wakhtigeedu gabaabsida yahay ee Somalia, ayaa ku hawlan dhismaha idaacad FM ah oo ka soo horjeeda Madaxbannaanida Somaliland, taasoo ay ka binaynayso magaalada Badhan oo ka tirsan Gobolka Sanaag.
Sida xalay laga baahiyay telefiishanka ku hadla Telefiishanka ku hadla afka dawladda Somalia iyo Universal Tv. Idaacaddaas ayaa la guddoonsiiyay laba nin oo ka socday Gobolka Sanaag, gaar ahaan Deegaanka Badhan, kuwaasoo mid ka mid ah ay wallaalo yihiin Xildhibaan Bulqaas oo ka tirsan mudanayaasha Golaha Wakiillada Somaliland.
Idaacaddaas oo xarunteedu noqon doonto Magaalada Badhan ayay masuulliyiinta dawladda TFG ku doodeen in loogu deeqay waxa ay ugu yeedheen “Shacbiga Midnimada jecel” ee Gobolka Sanaag, islamarkaana waxay xuseen in idaacaddaasi baahin doonto barnaamijyo ku saabsan wacyigelinta bulshada Gobolka Sanaag ee la xidhiidha Baahinta Dastuurka Somalia iyo wadajirka qaranka Somaliyeed.
Xukuumadda Somaliland ayaan wax jawaab ah ka bixin qorshaha dawladda ku-meel-gaadhka ah ee xilligan idaacaddo loo qorsheeyay in lagu faafiyo waxyaabo ka soo horjeeda Madaxbannaanida Somaliland oo dawladda TFG-du bixinaysay muddooyinkii u danbaysay, iyadoo Idaacad hore dawladda TFG-du ugu deeqday bilihii la soo dhaafay malleeshiyada nabad-diidka ku dhuumaalaysata Buuhoodle.
Tallaabooyinka ay dawladda TFG-du qaaday ayaa u muuqada kuwo carqaladayn kara wadahadalladii beesha Caalamku soo saartay ee Somaliland iyo Somali, waxa kale oo ay Idaacadahani khatar ugu jiraan inay u gacangalaan kooxo argagixiso ah oo u addeegsada fidinta barnaamijyo xagjir ah.
Berberanews.con
Hargeysa, Somaliland
Short URL: http://www.berberanews.com/?p=17826
-
Designed by