BREAKING NEWS
Hargeysa (Aftahannews)- Isbahaysiga uu Sucuudigu hoggaamiyo ee ka dagaallama dalka Yemen ayaa qirtay in ay duqayn dhanka cirka ah ku laayeen tobonaan qof oo rayid ah oo saarnaa gaadhi bas ah bishii lasoo dhaafay uuna ahaa khalad militari oo aan bareer ahayn. Baadhitaan uu sameeyey isbahaysigu ayaa lagu ogaaday in khalad uu dhacay – wuxuuna sheegay in dadkii masuulka ka ahaa weerarka lala xisaabtamo. Dalka Yeman oo dhibaato ay ka taagan tahay Dadka dhintay ayaa caruur u badnaa, weerarka ayaa waxaa ka dhashay dhaliilo caalami ah oo kadhan ah duqaymaha uu Sucuudigu hormudka ka yahay ee kadhanka ah fallaagada Xuutiyiinta ee dalka Yemen. Guddiga xuquuqda aadanaha ee Qaramada Midoobay ayaa cambaareeyay xulafada uu horkacayo Sacuudiga ee weerarada cirka ka geysanaya Yemen. Warbixin uu soo saaray guddiga xuquuqda carruurta ayaa sheegay in weerarrada aan kala sooc laheyn ee ay xulafadu ku hayso goobaha dadka rayidka ah, ay ku dhinteen boqolaal carruur ah Waxa ay sidoo kale dhaleeceysay waxa ay ugu yeedhay tallaabooyin gaajo loogu dilayo shacabka. Warbixinta ayaa sheegaysa in ka badan saddex milyan oo carruur ah in ay wajahayaan nafaqa darro, iyadoo ay xaalad bani’aadanimo oo xun ay halkaa ka taagan tahay. Xulafada uu horkacayo Sacuudiga ayaa ku adkeysanaysa in duqeymaha cirka ay qaadayso aanay badhtilmaameedsaneyn dadka rayidka ah.
Search

Jarmalka oo 20 Malyan oo Euro ugu deeqay barakacayaasha Afrikada Bari

Magaalada Jabuuti ayaa lagu soo gabagabeeyey kulan laba maalmood uga socday hay’adaha qaxootiga ee dalalka gobolka iyo urur goboleedka IGAD, kaasoo looga arrinsanayey qaabka loo maamuli doono malaayiin Euro oo dawladda Jarmalku ay ku deeqday.

Lacagta ayaa lagu tilmaamay inay tahay mid wax loogu qaban doono dadka qaxootiga ah ee ku jira xeryaha dalalka gobolka, kuwa aan xeryo ku jirin ee magaalooyinka ku nool, iyo kuwa sii gudbaya.

Sida uu sheegay xoghayaha fulinta ee IGAD, Maxbuub Macallin, lacagtaas ayaa noqon doonta sanduuq dhaqaale oo billow u noqda in deeqo kale lagu biiriyo.

“Waxaan niri 20 malyan shaqada noo taalla kuma filna. Waa in mashruuc weyn la furo. Waxaan ku heshiinnay in laga dhigo sanduuq dhaqaale oo 20ka malyan ee ugu horraysa ay gasho, laakinse aan u furno in kaalmo badan lagu dari karo” ayuu yiri Maxbuub.

Wuxuu intaa sii raaciyey “dalalka IGAD xubnaha ka ah waan kala heshiinnay sidii loo hirgalin lahaa qorshahan”.

Dalalka xubnaha ka ah IGAD ayaa soo dalban doona sida uu qorshuhu yahay mashaariic ay lacagtaas ku kharash garayn doonaan.

Waa kulankii labaad ee looga hadlayo qaxootiga iyo muhaajiriinta gobolka, waxaana ka horreeyey kulan laba bilood ka hor ka dhacay Nairobi.

Share Button
Please follow and like us:
0