Berbera News | Daily News Update

WAX YEELADU DABEECADAYDA AYAY KA MID TAHAY ?

Dabeecadaha dadku way kala duwan yihiin , oo qaarkood waxay leeyihiin ,

1-Dabeecadda xayawaanka doogga cuna oo kale , kuwaas hami iyo qamigoodu yahay , wax lacuno -wax lacabo iyo shahwad uun .

2-Dabeecadda xayawaanka hilibka cunana , waa in uu wax dilo – wax burburiyo -wax gaado  colaad -nacayb wax ka baji – hanjabaad -u xoog sheego kuwaad ka xoog wayn tahay iyo shahwad uun .

3-Dabeecadda sheydaanka ayay qaarna leeyihiin , wax lakhiyaameeyo – cid laysku diro- cid la daba galo – dulmi -isku dhifasho iyo camal sheydaan oo dhan .

4-Qaarna dhaqanka malaa iikta oo kale ayay leeyihiin , aadna way u yar yihiin .

Culimada cilmaga nafsiga ma yaqaanaan , ilaa iyo iminka si ay u fasiraan DABEECADAHA dadka , iyo waxa ku kelifa inay wax dilaan – wax burburiyaan – naqayb . iyo cadaawad badan oo ay dadka kale u hayaan .

Beri waxaa dhacdey in uu DIBQALOOC , meel webiya yimi , oo uu doonaayey inuu dhinaca kale uga gudbo , si alaale iyo si uu uga gudbo wuu garan waayey , MARKII danbe ayaa uu arkey RAH agtiisa taagan .

Waxa uu ku yidhi DIBQALOOCII : rahaw dhabarkaaga ma kori karaa , si aan webiga uga talaabo , oo webiga maad iga gudbin ?

RAHII :wuxuu ugu jawaabey : maya raali iga ahaw , WAAYO ?  waxan ka baqayaa inaad i QANIINTO ?

DIBQALOOCII :(ayaa ugu jawaabey) miyaad waalan tahay , arintaasu ma  dhici karto ,oo caqliga ma geli karto

haddii aan ku QANIINO saw dhiman maysid , anna saw dhiman maayo , oo biyaha ku qarqi maayo .

miyay kula tahay , inaan doonaayo inaan dhinto .

Dibqaloocii waxa uu keenay arin caqli gal ah , oo lagu qanci karo .

illayn hadii aan ku QANIINO adna waad dhimanaysaa , anna waan dhimanayaaye .

RAHII:sidaas ayuu ku ogolaadey inuu xanbaaro dibqaloocii .

RAHII: oo dusha ku sida dibqaloocii ayaa marka uu meel dhexe maraayo webigii , ayaa DIBQALOOCII qaniinay RAHII .

rahii ayaa dareemay xanuunkii qaniinyadii  dibqaloocu ku dhiftay , markaasaa inta uu cirka ka qayliyey , ayuu dibqaloocii , su aaley ?

WAAR MIYAAD WAALATAY  ? MAXAAD II QANIINTAY ? labadeenuba saw wada dhiman mayno ? sawdigii ii ballan qaadey , inaanad i qaniinin ?

DIBQALOOCII: (baa ku jawaabey) MIYAAD ILAWDAY , INAAN DIBQALOOC AHAY ?.

DIBQALOOCA dabeecadiisa iyo dhaqankiisaa ah , in uu wax qaniino , waayo ? noloshiisa iyo jiritaanka dibqalooca ayaa ku dhisan wax QANIIN .

Xataa haddii ay dhimashadiisu ku jirto .

Hadaba nolosha siyaasiyiinta somaliland (qaarkood) , gaar ahaanna siyaasadda xisbiga KULMIYE , ayaa waxa u saldhig ah , CADAAWAD – NACAYB-AARSI -ISKU DIR -DABAGAL -HANJABAAD – DULMI iyo arimo kale oo aan wanaagsanayn oo badan .

Arimahan oo qaar kale oo badan ayaa ka INDHO tiraaya inay wax qabtaan , dalkii iyo dadkiisii ay wax u qabtaan .

BERINA TUKE ayaa saabuun xaday ,oo la cararey , markaasaa waxa la waydiiyey , WAXA UU U XADAY SAABUUNTA , kol haddii aanu u baahnayn , oo AANU CUNAYN ama  AANU KU MAYDHANAYN .

Markaasuu ku jawaabay :DABEECADEYDA AYAA WADA WAXYEELO AH .

CALI MAXAMED BIIXI      caliwwelli@hotmail.co.uk